Atípico Circo é un proxecto lúdico-educativo que achega o mundo do circo a persoas de todas as idades. Ofrecemos clases e espazos de xogo onde practicar equilibrismo, malabares e acrobacia, pensados para crianzas, familias e persoas adultas e centros educativos.

A nosa misión é facilitar que todo o mundo poida experimentar a maxia do circo, descubrir as súas propias capacidades e gozar dun tempo de lecer activo e divertido. Traballamos cun enfoque non competitivo, promovendo a escoita do corpo e da contorna.